Heroes Animados

Afundación

Foi unha exposición moi interesante a que fomos ver onte, e aprendimos moitas cousas nela. Laura e Natalia, as monitoras de Afundación, explicáronnos todo o que hai que facer para crear unha película de debuxos animados ou de bonecos con movemento, e son tantas cousas que agora entendemos porqué se tarda tanto tempo (ata tres anos) en crear unha.

Primeiro fomos no ascensor panorámico...

...logo participamos nun obradoiro de supernenos e supernenas...

...e por último desfrutamos da exposición.

Rematando o curso

Mañán remataremos este curso, e antes de despedirnos queremos compartir con todos vós algunhas das actividades nas que participamos nestes últimos días.

Finalizando o mes de Maio recibimos dúas visitas moi especiais: 

Por un lado, os nosos compañeiros os nenos e nenas  da clase da profe Loida, viñeron un día ata a nosa aula para contarnos un divertido conto que falaba de dez galiñas e os seus ovos de cores; fixéronno moi ben; gustounos moito e adicámoslles un forte aplauso a todos eles.

Por outra banda, recibimos tamén a visita de Jackie, o "can pirata". As súas coidadoras contáronnos a súa historia, e con ela recordamos o importante que é coidar e tratar ben aos animais.

En canto á nosa visita ao Museo de Belas Artes, ésta foi moi interesante. José falounos sobre os cadros, as súas temáticas, os seus tamaños, os útiles do pintor e do escultor... Contounos unha divertida historia na que se mesturaban diversas obras do museo, e antes de marchar fomos coñecer ao xigante do conto, do que nos despedimos antes de volver cara o bus.

Por último, hoxe mesmo tivo lugar no cole a entrega dos premios do concurso literario.

Coa merendola de mañán daremos por rematado este curso; agardamos que os vosos nenos/as desfrutaran con todas as actividades realizadas, e esperamos continuar con novas e interesantes propostas para o vindeiro curso escolar.

Maruja Mallo lV

"Máscaras con bolboretas"

Achégase o entroido e, continuando co noso proxecto sobre Maruja Mallo, este ano escollimos unha das súas máscaras para traballar con ela na clase. Observamos ben o orixinal, coloreamos, picamos... e mirade que bonitas nos quedaron!!!

Maruja Mallo III

Continuamos traballando coa obra de Maruja Mallo; desta vez escollimos un dos seus debuxos, ao que chamamos "ola". Coma o orixinal non ten cores, decidimos poñerllas nós, e para iso inspirámonos noutro dos óleos desta pintora: o chamado "Protoesquema". Seleccionamos as cores empregadas neste último, e enchemos de cor as distintas pezas do puzzle, que logo montamos sobre cartolina amarela. Na foto podedes ver o resultado. 

Na próxima sesión cadaquén poderá crear a súa propia versión do debuxo, empregando para elo as cores seleccionadas.

Maruja Mallo ll

Amosámovos os primeiros resultados do noso achegamento á obra de Maruja Mallo. No centro o seu gravado "el salto"; ao redor algunhas das nosas interpretacións. 

Maruja Mallo

Coma todos os anos, Bulebule, a nosa mascota da biblio, ten unha interesante proposta  para todos nós. Este curso invítanos a coñecer o traballo daquelas mulleres que se adicaron á pintura, e baixo o título "Mulleres pintoras" nos anima a achegarnos á obra dalgunha delas.
Hoxe, pois, comenzamos a falar de Maruja Mallo. A súa obra nos acompañará ao longo de todo o curso, e serviranos de inspiración para a realización das nosas propias "obras de arte".

Confiamos en que vos gusten as nosas propostas. Para empezar, estamos preparando a nosa versión do cadro "el salto". Deixámosvos unha pequena recopilación de obras desta grande artista galega.

"O Gato con Botas"

"O Gato con Botas" Teatro Colón

- "Encantoume Pili!"
- "¡Me encantó!"
- "¿Cuándo podemos volver?"

Esto é o que escoitaba á saída do Teatro Colón, cando volvíamos cara o bus. 

A obra gustounos moito. Nela asistimos a un completo espectáculo audiovisual no que se unen música de cámara, teatro, danza e incluso ópera. 

Estivemos todo o tempo moi atentos ao que ocurría en escena, e portámonos fenomenal!

Pintamos con canicas!!!

Que había dentro da caixiña que tiña a profe???

Escoitamos, e soaba como se houbese moitas pedras; tocamos sen mirar e sentimos frío, bolas, cousas redondas...

Resultaron ser canicas xigantes de máxicas cores!!!

-"Que ben, imos xogar ás canicas!" dixeron algúns.

-"Non, non!"-dixo a profe; "imos pintar con elas"

- "E... pintan?" caras de sorpresa. "Necesitamos pintura???"  "Pili, estás de broma?!!"

Logo de explicar como se fai puxémonos mans á obra. Non é tan doado; hai que coordinar ben os movementos, conseguir que as canicas se movan por toda a superficie e evitar que caigan fóra. A experiencia encántalles e ofrécelles uns minutos de relaxación ao mesmo tempo que concentran toda a súa atención no movemento das canicas. O resultado... máxico.

Coma hoxe non tivemos tempo de probar todos, mañán remataremos cos que faltan. A que queda bonito?

A voltas con Van Gogh

Logo de ver aquel vídeo con autorretratos de Van Gogh que vos amosamos nunha entrada anterior ocurríusenos que nós tamén poderíamos facer algo similar, e puxémonos mans á obra.
Primeiro fixemos unha foto co sombreiro de Van Gogh, e logo traballamos sobre ela imitando cos nosos materiais de aula o singular estilo propio deste pintor.

Coa axuda de Colorines creamos este vídeo, inspirado no anterior. A ver se vos gusta...

Van Gogh

Nas súas andanzas polo mundo, a nosa amiga a Mariquita Juanita pousou un día sobre un xirasol. 

A semana pasada adicamos unha sesión a coñecer esta flor tan bonita, e hoxe descubrimos a un pintor ao que tanto lle gustaban os xirasois que os pintou en varios dos seus cadros. 

Neste primeiro achegamento á figura de Van Gogh falamos acerca dos seus cadros de xirasois e dos seus autorretratos. 

Deixámosvos esta curiosa animación realizada con eles, a ver se vos gusta tanto coma a nós.