Bos días!

Cada mañá, antes de comenzar a nosa asamblea, adicamos un tempo a saudarnos todos individualmente. Por orden de lista a profe nomea a cada un de nós e cadaquén da os bos días na lingua na que máis lle apetece de entre todas as que coñecemos.

Como sabemos saudarnos de tantas formas diferentes temos moitas opcións entre as que escoller. Últimamente lévase o saúdo chinés, pero hai para todos os gustos:

¡Hola!         Bo día!

                                       

Bos días!                          Hello! 

  你好 (Nǐ hǎo)

Good morning!        Ola!        ¡Buenos días!

A voltas co temporal

Onte, cando estabamos no cole, sarabiou tanto que todo quedou branco coma se nevase. 

Ía frío, pero saímos un momentiño, por turnos e moi rápido, para pisar na sarabia que quedou acumulada no chan. Catro pasiños con coidado de non esvarar... e para adentro correndo!




Hoxe, falando na asamblea, decidimos probar de novo, esta vez descalzos e con sarabia de mentira; e xa postos tamén imaxinamos neve...

Un pé pisou sobre a neve de mentira, e o outro fixo o seu sobre a sarabia de garavanzos, e cando todos pasamos a proba refrexionamos un pouco acerca do que sentimos nos pés e cal foi a pisada que máis nos gustou. A uns gustoulles máis a da neve, que era brandiña, pero outros preferiron a sarabia, porque facía cóxegas no pé. O máis importante...cada un fixo a súa elección e deunos o porqué da mesma.

A asamblea

Levamos xa dous meses de clases, e estamos afeitos ás rutinas de todos os días. Logo do "tempo de lectura" chega o momento da asamblea, na que actualizamos os calendarios e falamos de todas aquelas cousas que van xurdindo cada día, relacionadas co cole ou con outras vivencias que queremos compartir cos compañeiros e compañeiras. Polo de agora é un tempo de "monólogos", no que cada quen conta o que quere sen ter relación co que din os demáis (eso sí, hai que respectar os turnos e escoitar), pero aos poucos haberá de convertirse nun momento de diálogo e intercambio de opinóns/impresións acerca dos temas que xurdan.

Queredes saber como organizamos a nosa asamblea?



O primeiro é ver a quen lle toca ser encargado/a, e para iso seguimos a orde da lista que Mimos nos deixou.

O encargado/a ten que coller a "caixa do encargado", na que están os rótulos que empregamos para os nosos calendarios. 



                            Empezamos polo tempo ...
                                                                   

Logo toca o día; todos xuntos dicimos os días da semana, e de seguido o encargado/a ten que averiguar cal é o que toca hoxe e colocar o carteliño correspondente. A continuación contamos os días ata chegar ao que toque, e así saber qué número de mes corresponde. Se non sabemos contar tanto axúdannos os compañeiros ou as profes.

 Tócalle á mestra marcar no outro calendario o día no que estamos, tachamos o que xa pasou e vemos cantos días faltan para o evento máis próximo (un cumple, un contacontos, unha celebración, ...)

Agora é o turno de cambiar as fotos dos compañeiros; os que non viñeron para unha casiña, e os que estamos para as ventás do cole. O encargado/a pode poñerse na porta, xa que vai ir de primeiro nas filas.

E para rematar, algún xogo có encargado como protagonista; desta volta ten que montar o seu nome coas letras móviles.

 Antes de pasar a falar doutras cousas, dámoslle un grande aplauso ao encargado/a, porque sempre o fai moi ben.

Ata outra!