Semana das letras Galegas

A pasada semana adicámola, entre outras cousas, a contarlle aos nosos peques que é iso das Letras Galegas. Como homenaxe a Xosé María Díaz Castro, escritor destacado este ano, realizamos un gran mural no que tiveron cabida todos os nenos/as de tres anos e as estreliñas que, grazas a vós, trouxéronnos á clase fermosas palabras galegas. 

"A noite é necesaria
pra que tí poidas ver
sobre o medo e o mal
as estrelas arder"

                                                   Xosé María Díaz Castro.

E para rematar a semana, o venres foi o día dos xogos populares: "o pano por detrás", "carreiras de relevos", "tiro de aros", "os bolos e a rá", "pase misí", "un, dous, tres escondite inglés" e "bailes populares" foron as actividades nas que participamos nesta divertida xornada. Confiamos en poder repetir para o vindeiro curso.